मलकापुर शहरातील भातृमंडळ येथे गणेश उत्सवानिमित्त शांतता समितीची बैठक संपन्न

मलकापूर प्रतिनिधी

गणेश मंडळांनी वायफळ खर्च करण्यापेक्षा आवारात सीसीटीव्ही कॅमेरे बसवा वाईट प्रवृत्तीला आळा बसेल येथील भातृमंडळ येथे शहरातील व तालुक्यातील गणेश मंडळ पदाधिकारी, पोलीस पाटील,शांतता समिती सदस्यांच्या उपस्थितीत गणेश उत्सवानिमित्त शांतता समिती बैठक घेण्यात आली.

सदर बैठक जिल्हाधिकारी एस रामामुर्ती यांच्या नेतृत्वाखाली घेण्यात आली.जिल्हा पोलिस अधिक्षक अरविंद चावरिया,उपविभागीय अधिकारी मनोज देशमुख ,उपविभागीय पोलीस अधिकारी अभिनव त्यागी,तहसीलदार राजेंद्र सुरडकर,शहर पोलीस निरीक्षक विजयसिंह राजपूत, ग्रामीण पोलीस निरीक्षक मिर्झा,दसरखेड एम आय डी सी पोलीस निरीक्षक महाजन,आरोग्य निरीक्षक योगेश घुगे,महावितरण चे प्रतिनिधी त्याचप्रमाणे शहरातील शांतता कमिटी सदस्य तथा माजी नगरसेवक अशांतभाई वानखेडे,माजी नगराध्यक्ष हाॅजी रशीदखाॅ जमादार,माजी नगरसेवक अरुणभाऊ अग्रवाल आदी प्रमुख मान्यवर उपस्थित होते.

ह्यावेळी शहरात व तालुक्यातील गणेशोत्सव साजरा करण्यासाठी प्रथम पोलीस स्टेशन ला मंडळाची नोंदणी आवश्यक आहे.मंडळाची आरास करतांना दोन समाजात तेढ निर्माण होणार नाहीत असे देखावे तयार करू नयेत.व्यक्तीद्वेष , वैयक्तिक भावना दुखावल्या जातील असे ही देखावे सादर केले जावु नये. जातीय सलोखा, देशप्रेम, समाजप्रबोधनात्मक, एकतेचे दर्शन असे देखावे सादर केल्यास लोकमान्य टिळकांनी सुरू केलेल्या गणेशोत्सवाचा हेतू सफल होईल. शहरातील मोठ्या गणेश मंडळांनी इतर वायफळ खर्च करण्यापेक्षा आवारात सीसीटीव्ही कॅमेरे बसविण्यात आले तर वाईट प्रवृत्तीला आळा बसेल. मलकापुर हे जातीय सलोख्याचे शहर असल्याचा इतिहास आहे. हिंदू मुस्लिम दोन्ही धर्म एकोप्याने सण साजरा करतात.

तर निश्चित केलेल्या मार्गाने मिरवणूक काढण्यात येईल.त्यासाठी पारंपारिक वाद्यांचा वापर करावा असे आपल्या सुचना वजा मार्गदर्शन मनोगतातुन जिल्हाधिकारी एस रामामुर्ती व जिल्हा पोलीस अधिक्षक अरविंद चावरिया यांनी सांगितले. ह्या प्रसंगी उपविभागीय अधिकारी मनोज देशमुख, पोलीस निरीक्षक विजयसिंह राजपूत, माजी नगरसेवक अशांतभाई वानखेडे,माजी नगराध्यक्ष हाॅजी रशीदखाॅ जमादार यांनी गणेश मंडळांच्या पदाधिकारी व कार्यकर्त्यांना मार्गदर्शन केले. ह्यावेळी शहरातील व तालुक्यातील बहुसंख्येने गणेश मंडळांचे पदाधिकारी व कार्यकर्ते सदस्य उपस्थित होते.