Breaking News
recent

खळबळजनक! अकोल्यात शाळेच्या छतावर सापडले चार अर्भकाचे अवषेश


अकोला :  दि. १० फेब्रुवारी रोजी नवजात अर्भक सापडल्याची खळबळजनक घटना अकोला शहरात घडली आहे. मिळालेल्या माहिती नुसार, जिल्हा परिषद उर्दू शाळेच्या आवारात काही मुलं क्रिकेट खेळत होती. खेळताना त्यांचा चेंडू छतावर गेला. यावेळी एक तरूण चेंडू आणण्यासाठी छतावर गेला असता त्याला रक्ताने माखलेली एक प्लास्टिक पिशवी दिसली. त्यानंतर त्याने ती पिशवी उघडून पाहली तर त्यात नवजात अर्भक आढळले. त्याने तातडीने फोन करून पोलिसांना संपूर्ण घटनेची माहिती दिली.

 पोलिसांनी तत्काळ घटनास्थळ गाठले असून ही अर्भक या ठिकाणी आली कुठून याबाबत सध्या कोणतीही माहिती समोर आलेली नाही. मात्र पोलिसांनी दिलेल्या माहितीनुसार सध्या एकच नवजात अर्भक दिसत आहे. बाकीचे मासाचे तुकडे असण्याची शक्यता वर्तवली जात आहे. परंतु वैद्यकीय अधिकारी सांगेपर्यंत याची पुष्टी करता येणार नाही. या घटनेने संपूर्ण शहर आणि जिल्ह्यातील सर्वांनाच हादरुन टाकले आहे. ज्या ठिकाणी अर्भकांचे हे अवशेष सापडले तिथून महिला जिल्हा रुग्णालय फक्त ८०० मीटर अंतरावर आहे.

 पोलिसांनी या प्रकरणी पंचनामा करून सर्व अर्भकांचे मृतदेह शवविच्छेदनासाठी वैद्यकीय महाविद्यालयात पाठवले असून याप्रकरणी गुन्हा दाखल करून ही घटना कोणी घडवली याचा तपास पोलिसांनी सुरू केला आहे.


Powered by Blogger.