मलकापुर शहर पोलीस स्टेशन कडुन वर्षभराचे कालावधीत एकुण 36 मोटार सायकल जप्त

 

      मलकापुर शहर येथे बुलडाणा शहर व इतर ठिकाणावरुन मोटार सायकल चोरी जाण्याचे प्रमाण वाढले असतांना नव्यानेच जिल्ह्यात रुजु झालेले पोलीस अधिक्षक श्री सारंग आवाड यांनी सर्व पोलीस अधिकारी यांना सदर गुन्हेगाराबाबत माहीती काढून घडलेले गुन्हे उघडकीस आणुन गुन्हे प्रतिबंध करणेबाबता सुचना दिल्या असतांना मलकापुर शहर पोलीस स्टेशनचे प्रभारी अधिकारी पो.नि.विजयसिंह राजपुत यांना गोपणीय माहीती मिळाली की, बुलढाणा व चिखली परिसरातून चोरी होणा-या गाड्या मलकापुर येथे आणण्यात येत आहेत. वरुन त्यांनी मलकापुर शहर पोलीस स्टेशनचे डी.बी. पथकाचे इंचार्ज स.पो.नि. सुखदेव भोरकडे यांना माहीती देवुन सदर गाड्या बाबत व गुन्हेगाराबाबत गोपणिय माहीती काढण्याबाबत सुचित केले. 

    त्याप्रमाणे पडताळणी करीत असतांना सोहेल परवेज काजी अनिसोद्दीन, रा. मोहनपुरा, मलकापुर यांचेकडे असलेल्या गाडीचे कागदपत्र व गाडीवरील चेचिस नंबरची खात्री केली असता ते बनावट असल्याचे समजले वरुन त्यांनी मोटार सायकल पोलीस स्टेशनला आणून फिर्याद दिल्यावरुन अप नं. 456/2022 कलम 420,465,468,471,120 व भादवी प्रमाणे गुन्हा दाखल करण्यात आला आहे. सदर गुन्हयात मोसा विक्रीची मध्यस्थि करणारा मो. जावेद शेख अय्युब व त्याचा मित्र शोएब खान बिस्मील्ला खान दोन्ही रा. अहमदशाहपुरा पारपेट मलकापुर हे निष्पन्न झाल्याने त्यांना ताब्यात घेवुन माहीती घेतली असता त्यांनी गुन्ह्याची कबुली दिली व सदरच्या गाड्या बुलडाणा शहर व इतर ठिकाणावरुन चोरुन बनावट कागदपत्र तयार करुन विक्री करीत असल्याचे सांगितले वरुन

    1) से समीर से युसुफ, 2) से.शकील से. युसुफ (डॉन) व खडकी ता. मोताळा येथील 3) आकाश हरी राठोड हे निष्पन्न झाल्याने त्यांना त्यांना अटक करण्यासाठी बुलडाणा शहर पोलीसांची मदत घेवुन से शकील उर्फ डॉन आणि आकाश राठोड यांना राञीच ताब्यात घेण्यात आले आहे. असे चार आरोपी अटक करण्यात आले असुन त्यांचा पी.सी.घेवुन आरोपीतांकडुन आजपावेतो बनावट कागदपत्र तयार करुन विक्री केलेल्या 3,75,000/- रु. कि. च्या खालील प्रमाणे 06 गाड्या जप्त करण्यात आलेल्या आहेत.

  1 एक पाढ-या रंगाची एक्सेस स्कुटी जिचा क्र एमएच 28 बीआर 4034 

2 एक काळया रंगाची ज्यावर सिल्वहर पटटे असलेली स्पेन्डर प्सस हीरो कंपनीची जीचा क्र एमएच 28 एके4303

3 एक पाढ-या रंगाची एक्सेस स्कुटी जीचा क्र एमएच 03बीएम 4274

4 एक लाल काळया रंगाची प्लसर जीचा क्र एमएच 28 एके 8863 

5 एक पांढ-या रंगाची एक्सेस स्कुटी जीचा क्र एमएच 28बीएल 7162.

6 एक काळया रंगाची प्लसर जीचा क्र एमएच 28 ए डब्लू 5118 

    नमुद आरोपीतांनी कबुली मध्ये बनावट दस्तऐवज आर.सी.बुक, आधारकार्ड, स्टॅम्प पेपर इत्यादी तयार करणारे मास्टर माइंड से. समीर से. युसुफ व त्याचा भाऊ से शकील से युसुफ (डॉन) हे असल्याचे निष्पन्न झाले आहे. हे दोघे व आकाश राठोड हे सराईत गुन्हेगार असुन त्यांचे विरुद्ध मोटार सायकल चोरी, घरफोडी व इतर चोरीचे गुन्हे दाखल आहेत. यामध्ये मोठे रॅकेट असुन मुख्य आरोपी से. समीर से. युसुफ यास लवकरच ताब्यात घेवुन गुन्ह्याची अधिक उकल करण्यात येत आहे.

    सदरची कार्यवाही मा.सारंग आवाड पोलीस अधिक्षक बुलढाणा, मा. श्रवण दत्त अपर पोलीस अधिक्षक खामगांव, मा. अभिनव त्यागी उपविभागिय पोलीस अधिकारी मलकापुर यांचे सुचना व मार्गदर्शनाखाली पो.स्टे. प्रभारी अधिकारी विजयसिंह राजपुत व सपोनि सुखदेव भोरकडे तसेच पो.हे.कॉ भगवान मुंढे, पोका गोपाल तारुळकर, पोका ईश्वर वाघ, पोका असिफ शेख, पोका सलीम बरडे, पोका प्रमोद राठोड, पो. का. गोपाल इंगळे यांनी केली आहे.

मलकापुर शहर पोलीस स्टेशन कडुन यापुर्वी वर्षभराचे कालावधीत एकुण 36 मोटार सायकल जप्त करण्यात आल्या असुन त्यावरुन मलकापुर शहर, बुलढाणा, जळगांव, अकोला व औरंगाबाद जिल्ह्यातील 15 पेक्षा जास्त मोटार सायकल चोरीचे गुन्हे उघडकिस आणले आहे. व त्याप्रमाणे सतत कार्यवाही सुरु असुन गुन्ह्याचा पुढील तपास स.पो.नि. सुखदेव भोरकडे करीत आहेत.

या निमीत्ताने पो. नि. राजपुत यांनी जनतेला आवाहन केले आहे की, आपण खरेदी केलेल्या गाड्याचे कागदपत्राची खात्री करावी, वाहनाचे कागदपत्र व गाडीवरील चेचिस नंबर पडताळुन पहावा चुकीचा आढळल्यास पोलीस स्टेशनला तक्रार करावी असे आवाहन केले आहे.