कुसुंबा येथील आरोग्य उपकेंद्रला गावकऱ्यांनी ठोकले टाळे दखल न घेतल्यास यापुढे अधिक आंदयोलन तिव्र करणार इशारा

 

    अतुल महाजन (जळगाव) 

     रावेर दि. 2 रावेर तालुक्यातील  कुसुंबा ॥खुर्द ॥  येथील दि.१७ जानेवारी रोजी झालेल्या आदिवासी गरीब महिलेच्या प्रसुती व नवजात बाळाची काळजी घेतली नाही व रुग्णवाहिका तसेच उपचार उपलब्ध करू न शकणाऱ्या तालुका वैद्यकीय अधिकारी डॉ. विजया झोपे यांच्यावर निलंबनाची कार्यवाही करण्यात यावी यासाठी बसपा जिल्हा उपाध्यक्ष ग्रामपंचायत सदस्य प्रदिप सपकाळे यांनी दि.१ फेब्रुवारी पासून दवाखान्याला टाळे ठोकून बेमुदत आंदोलन करण्याचा इशारा दिला होता .

 जिल्हा आरोग्य प्रशासनाने यांची दखल न घेतल्याने काल दि.१ फेब्रुवारी पासुन बेमुदत आंदोलन करण्यात आले होते. त्या अनुषंगाने जिल्हा आरोग्य अधिकारी डॉ . देशमुख यांनी आज दि.२ फेब्रुवारी रोजी सदर वैद्यकीय अधिकारी यांचा पदभार काढण्यात येईल असे आश्वासन दिले होते , मात्र त्यांनी कोणती ही दखल घेतली नाही. त्यामुळे आंदोलन कर्त्यांनी आरोग्य उपकेंद्र कर्मचारी व अधिकारी यांना बाहेर काढून आरोग्य उपकेंद्राला टाळे ठोकले असून आरोग्य उपकेंद्राच्या बाहेर  रात्रंदिवस बेमुदत आंदोलन सुरू आहे. 

या आंदोलना दरम्यान बसपा जिल्हा उपाध्यक्ष प्रदिप सपकाळे ग्रा. प . सदस्य कुसुंबा ॥ खु ॥ यांचे सोबत ग्रा.प. सदस्य गफुर रुबाब तडवी माजी सरपंच आय्युब बाशिर तडवी, माजी ग्रा.प. सदस्य जम्मा हैतू तडवी, हमीद शावखा तडवी, मा. सदस्य डी. के. भालेराव, माजी सदस्य देविदास प्रल्हाद पाटील, पीडित गर्भवती महिलेचा पती मुस्तूफा कलिंदर तडवी व जेठ करीम कलींदर तडवी,शरद भालेराव, एकनाथ कावडकर, गोपाळ नामदेव पाटील, सुरेश बुधो भालेराव, मुकेश प्रकाश भालेराव, इमाम उखरडू तडवी , रफिक नजीर तडवी यांचा सहभाग आहे. एवढे करून सुध्दा जिल्हा प्रशासनास जाग न आल्यास आंदोलन तीव्र करण्याचा इशारा दिलेला आहे .