सैलानी जंगलामध्ये २८ वर्षीय महिलेचे प्रेत आढळले

 

रायपूर

बुलढाणा तालुक्यातील पिंपळगाव सराई वन विभागाच्या सैलानी जवळील जंगलामध्ये आज सोमवार १९ जून रोजी एका २८ वर्षीय अनोळखी महिलेचे कुजलेल्या स्थितीमध्ये प्रेत आढळून 'आले आहे. सदर घटनेची माहिती पोलिस पाटील रामेश्वर गवते यांनी रायपूर पोस्टे ला दिल्याने पोलिसांनी याप्रकरणी आकस्मीक मृत्यूची नोंद केली आहे.

पिंपळगाव वनविभागाच्या जंगलामध्ये गिलछडीच्या झाडाला गळफास घेऊन कुजलेल्या स्थितीमध्ये आज १९ जून रोजी २८ वर्षीय महिलेचे प्रेत आढळून आले. सदर महिलेने पाच-सहा दिवसापूर्वी झाडाला गळफास घेतला असावा, असा अंदाज वर्तविण्यात येत आहे. याप्रकरणी रायपूर पोलीस स्टेशनचे ठाणेदार राजवंत आठवले पोलीस हेकाँ. ओम प्रकाश साळवे, पोकाँ. ऋषिकेश पालवे यांनी घटनास्थळावर जावून मृत महिलेचा पंचनामा केला असता सदर महिलेने झाडाला पांढऱ्या रंगाच्या ओढणीने झाडाला गळफास घेतला होता. मृत महिलेच्या अंगामध्ये हिरव्या रंगाचे शर्ट व इटकरी रंगाची पॅन्ट पायामध्ये भुरकट रंगाची चप्पल होती. याप्रकरणी रायपूर पोलीस स्टेशनला अनोळखी मृत महिलेची आकस्मिक मृत्यूची नोंद करण्यात आली. पुढील तपास रायपुर सराई ठाणेदार राजवंत आठवले यांच्या मार्गदर्शनाखाली पोहेकॉ प्रकाश साळवे व ऋषिकेश पालवे तपास करीत आहे.