नगर परिषदेमधील सेवानिवृत्त कर्मचारी महिला श्रीमती प्रभा माधव फाळके यांचा अतिशय क्रूरपणे खून

 मलकापूर प्

मलकापुर प्रतींनिधी 

मलकापूर स्थानिक नगर परिषदेमधील सेवानिवृत्त कर्मचारी महिला ( श्रीमती प्रभा माधव फाळके ) यांचा अतिशय क्रूरपणे खून करण्यात आला. फाळके यांचा मृतदेह जाड प्लास्टीकच्या कॅरीबॅगमध्ये भरून मुक्ताईनगर ते बऱ्हाणपूर महामार्गावर संत मुक्ताबाई साखर कारखान्याच्या पुढे कुंड गावाजवळ असणाऱ्या पुलाच्या खालील बाजूस २९ ऑगस्ट रोजी फेकलेल्या अवस्थेत आढळून आला. याबाबतची माहिती अशी की, न.प.च्या सेवानिवृत्त कर्मचारी श्रीमती प्रभा माधव फाळके (वय ६३ ) रा. गणपती नगर भाग २ ह्या २७ ऑगस्ट रोजी परिसरातच असलेल्या मंदिरामध्ये पुजेची थैली घेवून दर्शनासाठी जात असल्याचे मुलाला वसुनेला सांगून घरून निघून गेल्या होत्या. २९ ऑगस्ट रोजी जळगाव खांदेश जिल्ह्यातील मुक्ताईनगर ते बऱ्हाणपूर महामार्गावर संत मुक्ताबाई साखर कारखान्याच्या पुढे कुंड गावाजवळ असणाऱ्या पुलाच्या खालील बाजूस एका महिलेचा मृतदेह आढळून आला होता. याबाबत मुक्ताईनगर पोलिसांनी चौकशी केल्यानंतर त्या महिलेची ओळख पटली नव्हती. पुलाच्या खालील बाजूस असलेला मृतदेह पोलिसांनी पुलाच्या वर काढला. याप्रकरणी पोलिसांनी पंचनाम्याची प्रक्रियापुर्ण करून सदर महिलेची ओळख पटविण्याचे आवाहन केले होते. 

    त्याबाबतचे फोटो विविध पोलीस स्टेशनला पाठविण्यात आले होते. श्रीमती प्रभा फाळके ह्या घरून निघून गेल्याची तक्रार त्यांचा मुलगा रितेश माधव फाळके हे मलकापूर शहर पो.स्टे. ला देण्यास गेले असता त्याठिकाणी त्यांना सदर फोटो दाखविण्यात आले. तेव्हा त्यांनी सदर महिला माझी आई असल्याचे पोलिसांना सांगितले. यानंतर मुक्ताईनगर पोलिसांशी संपर्कसाधण्यात आला. त्यानंतर मुक्ताईनगर पोलिसांनी मलकापूर शहरात येवून या खूना बाबत माता महाकाली नगर, एसटी बसस्थानक, गणपती नगर व अन्य ठिकाणी चौकशी केली. अखेर त्या अनोळखी महिलेचा मुक्ताईनगर येथे प्लास्टीकमध्ये गुंडाळलेल्या अवस्थेत आढळलेला मृतदेह हा मलकापूर येथील प्रभा फाळके यांचा असल्याचे स्पष्ट झाल्याने मलकापूर परिसरात एकच खळबळ उडाली आहे. सदर मृतदेहाची मुक्ताईनगर पोलिसांनी ओळख पटविण्याचे आवाहन केल्यानंतर त्याच दिवशी २९ ऑगस्ट रोजी मृतदेहावर पोलिसांकडून मुक्ताईनगर येथेच अंतीम संस्कार करण्यात आले असल्याची माहिती मुक्ताईनगर पो.स्टे. चे एपीआय शेवाळे यांनी ' बोलतांना सांगितले. याप्रकरणी तपासएपीआय शेवाळे यांनी ' बोलतांना सांगितले. याप्रकरणी तपास सुरू असून अद्यापपावेतो कोणालाही अटक करण्यात आली नसल्याचे त्यांनी सांगितले.